نعيد من تاني

طرح في دور السينما منذ فتره قليله فيلم بعنوان حين ميسره للمخرج المبدع

خالد يوسف

وبرغم اني لم ولن اشاهد الفيلم

الا انني لدي بعض تحفظات علي الفيلم

فأنا اري ان مجتمعنا مثله مثل اي انسان يحوي ايجابيات وسلبيات وموضوع السحاق الذي تناوله الفيلم في حضور مجموعه من نجمات العري

وهن سميه الخشاب

وغاده عبد الرازق

لم يكن له بد حيث انه كما قلنا ان المجتمع كالانسان اذن فالسحاق في حين ميسره والشذوذ في فيلم يعقوبيان والدعاره في باقي افلامنا والتي يؤديها ممثلونا بحرفيه عاليه وكانها ادوار شكسبير عباره عن عمليه اخراج للمجتمع

وانا لا ادع احد يشاهد عمليه اخراجي ولا اري عمليه الاخراج لدي احد فهذه الاشياء تكون سريه لان اعلانها يندرج تحت مسمي قله الادب والمسخره ومكانها ليس دور العرض

ودليلنا في هذا انا الدين لم يوضح عمليه الجماع في القرءان ولم يوضح عمليه

هذه القصه من وحي خيال عالمنا العربي وليس لاي فرد من شعوب هذا العالم اي تدخل في سياق احداثها

اجتمع كل من الرئيس مبارك والعقيد معمر القذافي وابو مازن ومازن وام مازن وجورج بوش الاب والابن والاخ واي واحد اسمه بوش

وكانو بيناقشو مستقبل السلام في الشرق الاوسط

وهنا قفز العقيد القذافي وقال بصوت مرتفع انا ماعنديش حاجه ضد السلام انا كنت هلهوله في ايدهم

مبارك يقولي شيل نووي ياقذافي

قذافي يشيل نووي

شغل نووي ياقذافي

قذافي يشغل نووي

وعالعموم انا مش عاوز غير البلد بتاعتي وشويه المعيز والكام خروف

نظر اليه اي بوش من البوشات الكتير اللي في القعده ولم يعلق

صرخ مبارك انا انا ماليش دعوه بحاجه

انا اساس ماكنتش فاضي

رد عليه بوش وقاله(بوش تاني غير بتاع القذافي)وكنت مشغول في ايه بأه ان شاء الله

قال مبارك :يوووووووه اقوللك ايه ولا ايه حبس صحفيين ولا تزوير انتخابات ولا سجن ايمن نور ولااعتقال اخوان وغير اخوان والله ماكنت فاضي هو احنا بتوع نووي برضه عيب

هشتكنا وبشتكنا ياريس دانتا رئيس والنعمه كويس

يا مدلعنا يا مشخلعنا قول لعدوك روح اتنيل

بهذه العبارات الرنانه والبذيئه افتتح الفنان عادل امام مسرحيته الشهيره الزعيم

ويبدو ان الرئيس مبارك شاهد هذه المسرحيه

وبدا مقتنعا بها كثيرا فهو كان بيهشتكنا وكنا نغنيله انت والنعمه كويس و لا هايديني ولا يرقيني ولا فيه مصلحه بينه وبيني علي رأي عمنا محمد العزبي

لكن الاخ جمال مبارك الرئيس الفعلي لجمهوريه مصر العالميه علي

رأي اللمبي يبدو انه لا يحب الهشتكه ولا البشتكه ولا احنا كمان هانغنيله غير ياظالمني

فمن يري حال الشعب الان من غلاء وفقر واوضاع مترديه يدرك ان الجزء الثاني لمسرحيه الزعيم هو البؤساء

ومن هذا المنطلق بنقول لجمال مبارك خليك يابني زي والدك

وخليك مع عادل امام احسن من شله

منكم لله

قلبي معاكم لف و تاه

علمتوني معني الاه

اه

اه منكم ومن عمايلكو

ومن الدنيا يخرب بيتكو

غلبتوني

قلتو هاتو شهادات جبتلكو

عمري منها عدي وفات

سبوني اعيش سبوني اقول

ولا هاقضي العمر سكات

اولادكم بيا بقوا شوات

وبقوا اصحاب الارض اغوات

بقي ده ياناس حكم الناس

ولا ياناس ده الوسواس

ده الواد شيطان مقابلني انبارح

ال ايه عامل اضراب

مش هايوسوس ولا هايميس

اصله ياعيني بيشتكي منهم

ينسوا يسموا في اكل المش

ويقروا ربع في اكله كباب

المستشار جودت الملط رئيس المجلس المركزي للمحاسبات كان فاضل حبه ويقلع ملط للحكومه عديمه الاحساس بس في نقطه كنت عاوز اوضحها

في قصه علي بابا والاربعين حرامي كان الحراميه بيسرقوا وبينهبوا بس حد سمع في القصه دي ان واحد من الحراميه دخل مرافق للمغاره ولا رصفها ولا حتي ظبط سباكتها لا طبعا المهم ان السرقه كانت شغاله الله ينور لحد ما ربنا بعتلهم علي بابا اللي عمل معاهم الدنيئه وقلبهم لازم المستشار جودت يقرأ قصه علي بابا تاني قبل تقرير الجهاز السنه الجايه عشان يريح دماغه ده لو ماشالوش الرجل النضيف اوي ده اليومين دول

حد فهم حاجه ولا

نعيد من تاني